माइक्रोम्याक्सका संस्थापकसँग बिहे गर्दै आशिन
पछिल्लो समय बलिउडमा स्टारहरुले बिहे गर्ने क्रम बढ्दो छ । साहिद कपूरले मिरा राजपुतसँग बिहे गरेको केही समयमै अभिनेत्री आशिनले बिहे गर्दैछिन् । उनी अभिषेक बच्चन र ऋषि कपूर अभिनित नयाँ चलचित्र अल इज वेलमा देखिदैँछिन् । आशिनले माइक्रोम्याक्सका संस्थापकमध्ये एक राहुल शर्मासँग बिहे गर्न लागेकी हुन् ।
राहुल आशिनभन्दा १० वर्षले जेठा छन् । उनले भारतकै चर्चित टेलिकम्युनिकेशन कम्पनी माइक्रोम्याक्स सञ्चालनमा ल्याएका थिए । अभिनेता अक्षयकुमार र उनकी श्रीमती ट्वींकल खन्नाले यो जोडीको प्रेम सम्बन्ध जोड्न भूमिका खेलेको अनुमान लगाइएको छ । राहुलसँग नजिकको सम्बन्ध रहेका अक्षय माइक्रोम्याक्सका पहिलो ब्रान्ड एम्बेसडर समेत हुन् ।
बम्बई टाइम्समा छापिएको समाचारअनुसार आशिन र राहुल ५ वर्षदेखी प्रेम सम्बन्धमा छन् । चलचित्र अल इज वेल प्रदर्शनमा आएपछि आशिनले बिहे गर्ने योजना बनाएकी छिन् ।
0 comments
Write Down Your Responses