सिन्धुपाल्चोकको ठोकरपा ड्युटीमा बसेका प्रहरी जवानले सहकर्मीलाई गोली हाने
सिन्धुपाल्चोक : सिन्धुपाल्चोकको ठोकरपा प्रहरी चौकीमा ड्युटी बसेका प्रहरीले सहकर्मीलाई गोली हान्दा एक प्रहरी जवानको मृत्यु भएको छ। मृत्यु हुनेमा कुन्चोक-३ सिन्धुपाल्चोककाका २५ वर्षीय रेशमबहादुर थापा छन्। जिल्ला प्रहरी कार्यालयका डीएसपी विश्व अधिकारीका अनुसार प्रहरी जवान अशोक बरालले गोली हानेका हुन्।
अधिकारीका अनुसार ड्युटीमा रहेका बरालले गएराति १० बजे गोली हानेका थिए। बरालले साथमा रहेको थ्रीनट थ्री राइफलले गोली हानेको डीउसपी अधिकारीले बताए।
गोलीबाट घाइते बनेका थापको उपचारका लागि धुलिखेलतर्फ लैजाने क्रममा थोकरपामै मृत्यु भएको थियो।
‘घटनापछि गोली हान्ने बराल फरार छन्। घटनाको कारण खुल्न सकेको छैन,’ डीएसपी अधिकारले भने। उनका अनुसार फरारको खोजी भइरहेको छ।
मृतकको शव सदरमुकाम चौतारा ल्याएको छ। यसअघि कुबिन्डे प्रहरी चौकमा यस्तै घटना घटेको थियो।
0 comments
Write Down Your Responses