हामीले सात बुँदा दिएका छैनौं : भारत
२०७२ आस्विन ७ बिहीवार
काठमाडौं : भारतले नेपालमा हालै जारी संविधान संशोधनका लागि आफ्नो तर्फबाट कुनै प्रकारको सूची नपठाएको दाबी गरेको छ ।
बुधबार राति भारतीय विदेश मन्त्रालयका प्रवक्ता विकास स्वरुपले नेपालको सवालबारे भारतीय सरकारको प्रतिक्रिया सार्वजनिक गर्दै आफ्नो तर्फबाट नेपालको संविधान संशोधननका लागि सात बुँदे सूची पठाएको खबरको खण्डन गरेका हुन् ।
(नाकाबन्दीको चेतावनीपछि भारतद्वारा नेपाली सीमामा कडाई)
भारतीय सञ्चारमाध्यमहरुले भारत सरकारले नेपालको संविधान संशोधनका लागि तयार पारेको सात बुँदे सूची बुधबार सार्वजनिक गरेपछि नेपालमा त्यसको कडा आलोचना भएको थियो ।
इन्डियन एक्सप्रेससहितका भारतीय सञ्चारमाध्यमले छापेका नेपालको संविधान संशोधनसम्बन्धी समाचारको खण्डन गर्दै प्रवक्ता स्वरुपले भारतले नेपाललाई कुनै प्रकारको सूची नदिएको जनाएका हुन् । भारत सरकाले नेपालको संविधान संशोधन गर्न कुनै सुझाव दिएको छैन’, विज्ञप्तीमा भनिएको छ, ‘कुनै विशेष धारामा संशोधन गर्नुपर्ने नभी यसअघि भनिएझैं असन्तुष्ट पक्षका माग हिंसा र दमनबाट नभइ वार्ताबाटै समाधान गर्नुपर्ने पुरानै कुरालाई हामी जोड दिन्छौं ।
’
बुधबारमात्रै इन्डियन एक्सप्रेससहितका भारतका चर्चित सञ्चारमाध्यमले संविधान संशोधनका लागि भारत सरकाले सात बुँदे सुझाव पठाएको सार्वजनिक गरेका थिए । ती सात बुँदा नेपालस्थित राजनीतिक दलका शीर्ष नेताहरुलाई पनि बुझाइसकिएको समाचार सार्वजनिक भएपछि भारतले यस्तो धाराणा सार्वजनिक गरेको हो ।
0 comments
Write Down Your Responses