आज वैद्य माओवादी र परि थापाको एकीकृतबीच एकता हुँदै, वैद्यमाथि प्रचण्डसँग एकता गर्न आफ्नै नेताहरुको चर्को दवाव -
कार्तिक २२
काठमाडौं – नेकपा–माओवादीका पोलिटव्यूरो सदस्यहरुले एकीकृत माओवादीसहितका शक्तिसँग एकता गर्ने शर्तमा मात्र अन्य दलहरुसँगको एकता प्रक्रिया अगाडि बढाउन पार्टी नेतत्वलाई दवाव दिएका छन् । परि थापा नेतृत्वको नेकपा एकीकृतसँग एकता गर्ने निर्णयपछि शनिवार बसेको सो पार्टीको पोलिटव्यूरो वैठकमा यस्तो दवाव दिएका हुन ।
पोलिटव्यूरो वैठकले एकीकृतसँग एकता गर्ने पार्टी पदाधिकारीको वैठकलाई अनुमोदन गरेपछि पार्टी नाम र संगठनात्मक बाँडफाँडका विषयमा भने विवाद कायमै छ । एकीकृत पार्टीको नाम नेकपा क्रान्तिकारी माओवादी राख्ने गरी छलफल भएको थियो । विहान ११ बजे वैद्य माओवादीको केन्द्रीय समिति वैठक बस्दैछ । त्यसपछि दिउसो एक बजे एकता अधिवेशन गर्ने तयारी भएको छ ।
हाल वैद्य माओवादीको एक सय २५ र एकीकृतको २९ सदस्यीय केन्द्रीय समिति छ । संयुक्त अधिवेशन दुवै पाटीका केन्द्रीय सदस्यको वैठकमा रुपमा हुँनेछ ।
सो पार्टीका एक पोलिटव्यूरो सदस्यका अनुसार एकीकृत माओवादीसँगको एकतालाई समेत बाटो खोल्नेगरि एकीकृतसँग एकता गर्न शीर्ष नेतृत्वमाथि दवाव परेको थियो । आज विहान ११ बजेदेखि पार्टीको केन्द्रीय समिति वैठक बस्दैछ ।
स्रोतका अनुसार केन्द्रीय समिति वैठकमा पनि नेताहरुले थापा नेतृत्वको एकीकृतसँग मात्र एकता गर्नुको औचित्य नहुँने भन्दै यसलाई शुरुवात मानेर एकीकृत माओवादीसँग पनि एकता गर्न शीर्ष नेतालाई दवाव दिने तयार गरेका छन् ।
यस अघि गत असोज तेस्रो साता बसेको सो पार्टीको केन्द्रीय समिति वैठकले माओवादी–माओविचारधारा मान्ने शक्तिसँगको एकतालाई अगाडि बढाउन पहल गर्ने निर्णय लिएको थियो । सो निर्णयका आधारमा थापा नेतृत्वको एकीकृतसँग एकता हुन थालेको हो ।
संविधानसभाबाट संविधान जारीभएपछि आएको यस्तो निर्णयले एकीकृत माओवादीसँगको एकताका लागि वैद्य माओवादीले बाटो खुला गरेको रुपमा लिइएको थियो । यस अघि उनीहरुवीच एकता लागि एजेन्डा र बार्ता समिति बनेको थियो । एकीकृत माओवादीले १६ बुँदे सहमतिग।ेपछि एकताका लागि भएका सवै प्रक्रिया र वार्ताहरु रोकिएका थिए ।
0 comments
Write Down Your Responses