सेकुवा खाएको ५२ सय नतिर्ने मन्त्रीको झन्डावाल गाडी हुुँइकिदा - साउजीको मन रुन्छ

January 6, 2016 मा प्रकाशित

झण्डा हल्लिने गाडीमा सरर हुँइकिने मन्त्रीले सेकुवा खाएको पैसा तिरेको छैन भन्दा कसले पत्याउने ? 

तर, अनामनगरस्थित धराने सेकुवाको बाटो हुँदै जब–जब वातावरण तथा जनसंख्या मन्त्री विश्वेन्द्र पासवान हुँइकिन्छन्, तब–तब त्यहाँका साहुको मन नराम्रोसँग रुन्छ । कारण हो,‘आज दिन्छु, भोलि दिन्छु’ भन्दाभन्दै झण्डै एक वर्षदेखि ५२ सय रुपैयाँ नतिर्नु । 

सेकुवा साहु नेताले उधारो तिर्लान् भन्ने आश गरेर बसेका थिए, आशैआशमा उनी मन्त्री भइसके, पैसा दिने सुरसार छैन । बानीव्यहोरा विश्वेन्द्रको जस्तै भएका अर्का पूर्वसभासद् राजकुमार नाल्बो उनलाई भेटेमा पिटिदिने भन्दै हिँड्न थालेका छन् । उनी पनि विश्वेन्द्रबाटै पीडित रहेछन् । 

जनआस्था साप्ताहिकमा समाचार रहेकाे छ ।

Labels: News